दोडामार्ग येथील दागिने चोरी प्रकरण ! चोरट्यांना पकडण्यात यश…

II KBC NEWS II
|| नाते विश्वासाचे ||
!! kokanbhumi channel !!

🖥️ दोडामार्ग | दि.२९ मार्च
दोडामार्ग येथे रविवारी दि २४ मार्च रोजी मांगेली येथील रसिका गवस हिचे दोडामार्ग बाजारपेठेत जान्हवी बेबी केअरच्या समोर दागिने चोरीस गेले होते.
दरम्यान या प्रकरणातील संशयितांच्या मुसक्या आवळण्यात दोडामार्ग पोलिसांना यश आले आहे. रामेश्वर केशव म्हाळसेकर (रा.पर्ये, साखळी,गोवा) याला होंडा येथून मुद्देमालासह ताब्यात घेण्यात आले. आयी येथे टाकलेली चोरीतील टुरिस्ट बॅगही जप्त करण्यात आली. याप्रकरणी सोन्याची तीन ग्रॅमची कर्णफुले व १५ हजार ८५० रुपयांचा मुद्देमाल संशयीताकडून ताब्यात घेण्यात आल्याची माहिती पोलिसांनी दिली.

दोडामार्ग महिला पोलीस हवालदार डिसोझा यांना गोपनीय सूत्रांकडून चोरी प्रकरणातील संशयित होंडा गोवा येथे असल्याची माहिती मिळाली होती. त्यानुसार पोलीस निरीक्षक निसर्ग ओतारी यांच्यासह पोलीस शिपाई विजय जाधव व अन्य दोन कर्मचाऱ्यांनी होंडा येथून चोरट्याला ताब्यात घेतले.दोडामार्ग पोलिसांनी पाच दिवसातच या चोरी प्रकरणाचा तपास करण्यात यश मिळविले.
____________________________________
बातम्या व जाहिरातसाठी संपर्क
संपादक – शैलेश मयेकर
9404778585, 8847701280
____________________________________
👉कोकणभूमी चॅनल (KBC NEWS) च्या व्हाट्सअप चॅनलला जॉईन होण्यासाठी लिंक ला क्लिक करा👈
https://whatsapp.com/channel/0029Va5wSM67j6g0OFP5ud1K
____________________________________

👇कोकणभूमी चॅनल ऑट्सप ग्रुप ला जॉईन व्हा👇
https://chat.whatsapp.com/FQ2fRbfdQI7HyWcNwzm0C6
____________________________________